<<Ես և դու հավերժ միասին>> ամերիկյան քրիստոնեական ֆիլմ է։ Ֆիլմը նկարահանվել է Դեյվ Քրիստիանոյի կողմից։ Ֆիլմի սյուժեյի հիմքում ընկած է Դեյվի անձնական կյանքից մի հատված։ Ֆիլմում նկարահանված դերասաններից են եղել Մայքլ Բլաին-Ռոզգեյը, Ջեննա Բաիլեյը, Սենդի Ֆոքսը, և այլոք։ Ֆիլմի պրեմիերան տեղի է ունեցել 2008 թվականի փետրվարի 15-ին։

Ֆիլմը պատմում է մի 47 տարեկան տղամարդու` Քրիստիանի մասին։ Քրիստիանը և իր կինը վերջերս էին բաժանվել, և այժմ նրա սիրտը կոտրված էր։ Նա փորձում էր վերականգնվել և ցանկանում էր իր կյանքին կրկին իմաստ հաղորդել։ Այդ ծանր ժամանակահատվածում նա հանդիպում է մի կնոջ, որը նույնպես վերջերս էր բաժանվել իր ամուսնուց։ Որոշ ժամանակ շփվելով` նրանք ընկերանում են։ Այդ կինը Քրիստիանին հիշեցնում է իր` դպրոցական տարիների ընկերուհուն։ Նա կարոտում է այդ աղջկան և հիմա` 30 տարի անց, որոշում կրկին հանդիպել նրա հետ։

Ֆիլմը կարող եք դիտել այստեղ։

<<Այդ մասին պետք է երգել>>-ը ամերիկյան քրիստոնեական դրամա ֆիլմ է։ Ֆիլմը նկարահանող անձնակազմի անդամներից են եղել Չարլի Ջորդանը, Ջոն Շեփրերդը և այլոք։ Ֆիլմում գլխավոր հերոսներին մարմնավորող դերասաններն են Դարիուս ՄքՔրարին, Իրմա Փ. Հոլլը, Թամերա Մորին, Ռաշաան Նալլ և Լոբո Սեբաստիաանը։ Ֆիլմի պրեմիերան տեղի է ունեցել 2000 թվականի հունիսի 10-ին։

<<Այդ մասին պետք է երգել>> ֆիլմը պատմում է մի երիտասարդ տղայի` Թոմմիի մասին։ Թոմմին նախկին դատապարտյալ էր և այժմ գտնվելով ազատության մեջ` ցանկանում էր ամեն ինչ զրոյից սկսել։ Նա ավելի լավ և բարեկեցիկ կյանքի էր ձգտում։ Իր երազանքին հասնելու ճանապարհը անցնելու ընթացքում Թոմմին Աստծո հանդեպ հավատով է լցվում և սկսում գնահատել իրեն շրջապատող մարդկանց։ Նա շարունակում է իր ուղին, սակայն այժմ` ընդունելով իրեն սիրող մարդկանց օգնությունն ու աջակցությունը։

Ֆիլմը կարող եք դիտել այստեղ։

<<Միայնակ, բայց ոչ միայնակ>>-ը ամերիկյան պատմական, արկածային դրամա ֆիլմ է։ Ֆիլմը նկարահանող խմբից են եղել Ռեյ Բենգսթոնը, Ջորջ Դ. Էսկոբարը, Բարբարա Դիվիսեկը և այլոք։ Գլխավոր հերոսներին մարմնավորող դերասաններն են Կելլի Գրեյսոնը, Նատալի Ռակոոսին, Ջեն Գոտսոն, Քլեյ Վալքերը և այլոք։ Ֆիլմի պրեմիերան տեղի է ունեցել 2013 թվականի սեպտեմբերի 27-ին, Ամերիկայի Միացյալ Նահանգներում։

<<Միայնակ, բայց ոչ միայնակ>> ֆիլմում ներկայացվում է ժամանակաշրջանը երբ տեղի է ունեցել ֆրանսիա-հնդկական պատերազմը։ Ֆիլմում պատմվում է մի գերմանացի ընտանիքի` Լեինինգների մասին։ Ընտանիքը անդամներն էին հինգ երեխաները` Բարբարան, Ռեգինան, Ջոնը, Ֆրիտսը ու Քրիստիանը, և նրանց ծնողները։ Ընտանիքն ապրում էր հանգիստ կյանքով, սակայն պատերազմը սկսվելուց հետո ամեն ինչ փոխվեց։ Ապահովության համար, երկու եղբայրներն ու մայրը տնից գնում են, իսկ մնացածը որոշում են մնալ։ Շուտով հնդիկները հարձակվում և ներխուժում են Լեինինգների տուն։ Հայրն ու Քրիստիանը զոհվում են, իսկ Բարբարան ու Ռեգինան ընկնում են գերության մեջ։ Այս ցավալի իրադարձությունից հետո նրանք շատ դժվարությունների միջով են անցնում` իրենց ընտանիքի հետ կրկին վերամիավորվելու համար։

Ֆիլմը կարող եք դիտել այստեղ։

<<Խիզախ սիրտը>> ամերիկյան պատմական, գեղարվեստական ֆիլմ է պատերազմի մասին։ Ֆիլմը նկարահանվել է Միլ Գիբսոնի, Ալան Լադդի և Ռանդալլ Դավեյի կողմից։ Ֆիլմում նկարահանված դերասաններից են Միլ Գիբսոնը, Սոֆի Մարսեաուն, Պատրիկ ՄկԳուհանը, Կատերին ՄկԿոռմակը և այլոք։ <<Խիզախ սիրտը>> ֆիլմի պրեմիերան տեղի է ունեցել 1995 թվականի մայիսի 18-ին։

<<Խիզախ սիրտը>> ֆիլմում պատմվում է Շոտլանդիայի անկախության համար մղվող առաջին պատերազմի մասին։ Շոտլանդացիները պատերազմում էին Անգլիայի թագավոր Էդվարդ առաջինի դեմ, իսկ այդ պատերազմում նրանց առաջնորդում էր Վիլլիամ Վալլանսը։ Վիլլիամը այս ֆիլմի գլխավոր հերոսն է։ Նա եղել է 13-րդ դարի վերջին շոտլանդացի զարմիկը, որը աչքի է ընկել իր անսահման խիզախությամբ։ Նա պատրաստ էր անել հնարավոր և անհնար ամեն ինչ, նույնիսկ սեփական կյանքը տալ, հանուն իր երկրի և ժողովրդի անկախության։

Ֆիլմը կարող եք դիտել այստեղ։

<<Հրաշք կին>>-ը 1931 թվականին նկարահանված, ամերիկյան ֆիլմ է։ Ֆիլմը նկարահանող թիմի անդամներից են եղել Ֆրանկ Կապրան և Հարրի Քոհնը, իսկ ֆիլմի սցենարը գրվել է Դորոտի Հովելի կողմից։ <<Հրաշք կինը>> ֆիլմում նկարահանված դերասաններից են եղել Բարբարա Ստանվիքը, Դավիթ Մաններսը և Սեմ Հարդին։ Ֆիլմի պրեմիերան տեղի է ունեցել 1931 թվականի օգոստոսի 7-ին։

<<Հրաշք կինը>> ֆիլմը պատմում է մի աղջկա` քարոզչի դստեր, կյանքի մասին։ Այդ աղջկա անունն էր Ֆլորենս Ֆալլոն։ Ֆլորենսը մեծ հիասթափություն է ապրում երբ եկեղեցին նրա հորը հեռացնում և նրա փոխարեն գտնում է նոր, ավելի երիտասարդ քարոզչի։ Հոր մահվանից հետո աղջիկը լիովին կորցնում է իր հավատը Աստծո և առհասարակ բոլորի նկատմամբ։ Ն միավորվում է մի տղամարդու հետ և սկսում կեղծ հրաշքներ գործել։ Նա դա անում է միայն շահի համար` չմտածելով ուրիշ ոչ ոքի մասին։ Սակայն, որոշ ժամանակ անց, նրա կողքին գտնվող տղամարդու սերն ու վստահությունը վերականգնում են Ֆլորենսի հավատը մարդկանց և Աստծո նկատմամբ։

Ֆիլմը կարող եք դիտել այստեղ։

<<Հայրենասեր>>-ը ամերիկյան պատմական, գեղարվեստական ֆիլմ է պատերազմի մասին։ Ֆիլմի սցենարը գրվել է Ռոբերտ Ռոդատի կեխողմից, իսկ ռեժիսորի դերում է հանդես եկել Ռոլանդ Եմմերիչին։ Ֆիլմում նկարահանված դերասաններն են Միլ Գիբսոնը, Հեթհ Լեդգերը, Ջոելի Ռիչարդսոնը, Ջեյսոն Իսաակսը և այլոք։ <<Հայրենասերը>> ֆիլմի պրեմիերան տեղի է ունեցել 2000 թվականի հունիսի 28-ին։

<<Հայրենասերը>> ֆիլմում ցուցադրվող իրադարձությունները տեղի են ունենում 1776 թվականին, երբ տեղի է ունեցել Ամերիկյան Հեղափոխական պատերազմը։ Ֆիլմի իրադարձությունները հիմնականում տեղի են ունենում Հարավային Կարոլինայի Բերկլի շրջանի գյուղերում։ Ֆիլմի գլխավոր հերոսը Մարտինն է, որը նախկինում նաև մասնակցել էր Ֆրանսիական և հնդկական պատերազմին և հիմա յոթ երեխաների միայնակ հայր էր։ Մա իր երեխաների հետ ապրում էր հանգիստ կյանքով, սակայն շուտով ամեն ինչ փոխվեց, երբ սկսեց Ամերիկյան Հեղափոխական պատերազմը և նա դարձավ դրա մասնակիցը։ Մարտինը հավաքական կերպար է, որի հիմքում ընկած են չորս պատմական հերոսներ` Էնդրյու Պիկենս, Ֆրենսիս Մարիոն, Դանիել Մորգան և Թոմաս Սամթեր։

Ֆիլմը կարող եք դիտել այստեղ։

<<Ես դեռ հավատում եմ>> ֆիլմը Ամերիկյան քրիստոնեական ռոմանտիկ դրամա է։ Ռեժիսորի դերում են հանդես եկել Էրվին եղբայրները։ Այս ֆիլմում նկարահանված դերասաններից են ԿՋ Ապան, Բրիթթ Ռոբերտսոնը, Գարի Սինիսը, Մելիսսա Ռոկսբուրգը և այլոք։ Ֆիլմի պրեմիերան տեղի է ունեցել 2020 թվականի մարտի 7-ին։

<<Ես դեռ հավատում եմ>> ֆիլմում պատմվում է ամերիկացի ժամանակակից քրիստոնեական երաժշտության երգիչ ու երգահան Ջերեմի Քամփի կյանքը։ Ֆիլմում ներկայացվում է Ջերեմիի և նրա կնոջ` Մելիսսա Լիննի, կյանքը։ Մասնավորապես ցույց է տրվում նրանց կյանքի այն հատվածը, երբ Մելիսսայի մոտ քաղցկեղ է հայտնաբերվում։ Այդ իրադարձությունը տեղի է ունենում նրանց ամուսնությունից կարճ ժամանակ անց, և նրանք միասին են ստիպված լինում անցնել այդ դժվարին փորձության միջով։

Ֆիլմը ներկայացնում է Ջերեմիի և Մելիսսայի ապրումները, և նրանց անցած ուղին։ <<Ես դեռ հավատում եմ>> ֆիլմը ցույց է տալիս, որ միշտ հույս կա, նույնիսկ` կյանքի ամենադժվարին պահերին։

Ֆիլմը կարող եք դիտել այստեղ։

Մեր ճամփորդությունը դեպի Սիսիան սկսվեց վաղ առավոտյան։ Այն բաղկացած էր երկու` հետաքրքիր և բազմաթիվ զարմանահրաշ վայրերով լի օրերից։

Ճամփորդության առաջին օրը սկսվեց վաղ առավոտյան։ Մեր առաջին կանգառը էր Շաքեի ջրվեժը, որը բոլորիս հիացրեց իր անիրական գեղեցկությամբ։ Մենք որոշ ժաման մնացինք ջրվեժի մոտ, այնուհետև շարունակեցինք մեր ճանապարհը։

Այս ճամփորդությաան շրջանակներում մենք նաև այցելեցին մի շարք վանքեր։ Այդ վանքերն էին Որոտնավանքը, Թանահատի Կարմիր վանքը, և Սիսավանքը։ Վանքերից յուրաքանչյուրը յուրովի գեղեցիկ և տպավորիչ էր բոլորիս համար։

Ճամփորդության առաջին օրը այցելած վայրերից մեկն էր նաև Տոլորսի ջրամբարը։ Այցի ժամանակ մենք նաև նավարկելու հնարավորություն ունեցանք, ինչը նույնպես անմոռանալի տպավորությունների առիթ էր։ Տոլորսի ջրամբարը բոլորիս գերեց ոչ միայն իր գեղեցկությամբ, այլ նաև հետաքրքիր ու յուրահատուկ պատմությամբ, որը մինչ այդ անհայտ էր մեզ համար։

Աղի Տուի հուշարձանը մեր այցելած վայրերից էր։ Այն նույնպես բոլորիս զարմացրեց իր գեղեցկությամբ և հետաքրքիր պատմությամբ։

Հուշարձանին հաջորդեց Մելիք Թանգու կամուրջը, որը ոչ պակաս յուրահատուկ և գեղեցիկ էր։ Կամուրջից բացվում է չնաշխարհիկ տեսարան, որը հիացմունք է առաջացնում յուրաքանչյուրի մոտ։

Այսքանով մեր ճամփորդության առաջին օրը մոտեցավ իր ավարտին։ Օրվա վերջում մեզ հյուրընկալեց Vorotnavan Resort հյուրատունը, որտեղ մեր հանգստյան ժամերը անցկացնելու և գիշերելու հնարավորություն ունեցանք։

Ճամփորդության երկրորդ օրը ոչ պակաս հաճելի ու հետաքրքիր էր։ Օրը սկսվեց բարձունքի հաղթահարումից։ Մենք բարձրացանք դեպի Որոտնաբերդ։ Բարձրանալով վեր մենք կարողացանք հիանալ այդտեղից բացվող զարմանահրաշ տեսարանով։ Լինելով արդեն վերևում բոլորս միասին ասացինք Եղիշե Չարենցի <<Ես իմ անուշ Հայաստանի>> բանաստեղծությունը և շնորհավորեցինք մեր հայրենիքի տոնը։

Մեր ճամփորդության վերջինն կանգառը դարձավ Զորաց քարեր մեգալիթյան կառույցը։ Քարերից յուրաքանչյուրը չքնաղ էր և ուներ շատ հետաքրքիր և նմանը չունեցող ձև։ Ամբողջ կառույցը զարմանահրաշ գեղեցկություն և յուրահատկություն ուներ։ Տեսնելով այս կառույցը պարզապես անհնարին է անտարբեր մնալ։

Այսքանով ավարտվեց մեր ճամփորդությունը դեպի Սիսիան։ Ճամփորդություն,որը, վստահ եմ, դեռ շատ երկար կմնա բոլորիս հիշողություններում։

Որոտնաբերդ

Որոտնաբերդը այժմ ավերակ է։ Ունի հյուսիս-արևմուտք — հարավ-արևելք ձգվածությամբ թամբի ձև։ Երեք կողմից երիզված է Որոտան գետի անդնդախոր կիրճով, պարսպապատված է եղել միայն հարավ-արևմուտքից։ Հարավ-արևելքում, ընդհանուր տարածքից մոտ 50մ բարձր (նույնպես երեք կողմից շրջապատված գահավեժ ժայռերով), միջնաբերդն է։ Վերջինիս հյուսիս-արևմուտքում կառուցված է կրաշաղախով և բազալտե խոշոր կիսամշակ քարերով երկտակ պարիսպը, որի հարավ-արևմուտքում եղել է բերդի հետ կապող կամարակապ դարպասը։ Միջնաբերդի արևելյան մասում կան կիսաշրջանաձև պատով դիտաշտարակի, մատուռի մնացորդներ։

Աղիտուի հուշարձան

Աղիտուի հուշարձանի առաջին հարկաբաժինը սրբատաշ երանգավոր քարերից կառուցված երկու կամարակապ խորշերով ու հարթ ծածկով սրահ է, որի տակ ամփոփված են զոհվածների աճյունները։ Հարթակի կենտրոնական մասում բարձրանում են ուղղանկյուն մույթերի և ութանիստ սյան վրա հենված ճոխ զարդաքանդակներով պսակված եռամաս կամարաշարքը։ Մահարձանի շրջակայքը հարուստ է հնագիտական հուշարձաններով, որոնք վկայում են, որ այստեղ հեթանոսական շրջանի պաշտամունքային կառույց է եղել։ Վաղ քրիստոնեության շրջանում կառույցը ավերվել է, իսկ դրա տեղում կառուցվել է եկեղեցին։ 10-11-րդ դարերում նույն եկեղեցու տեղում Սյունիքի Սմբատ թագավորի կողմից նոր եկեղեցի է կառուցվել, որն ավերվել է հրդեհից։

Մելիք Թանգու կամուրջը

Մելիք Թանգու կամուրջը գտնվում է Սիսիանից մոտ 20 կմ արևելք: Կամուրջը կառուցվել է 1855 թվականին Սյունիքի Մելիք Թանգու կողմից Որոտան գետի վրա Որոտնաբերդի փլատակներից ներքև գտնվող կիրճում։ Բերդը բազմիցս գրավվել և ազատագրվել է 450 թվականին Վարդան Մամիկոնյանի կողմից։ 18-րդ դարում ազատագրվել է Մելիք Բաղրուց Դավիթ Բեկի կողմից։

Մելիք Թանգու կամուրջը ընդգրկված է Որոտանի պատմության և մշակույթի անշարժ հուշարձանների ցանկում:

Զորած քարեր

Զորած քարերը մեգալիթյան կառույց է, որը տեղակայված է պետության կողմից պահպանվող հատուկ տարածքում՝ Սյունիքի մարզի Սիսիան քաղաքի մոտ։ Քարահունջը բաղկացած է մի քանի խումբ կառույցներից և առանձին քարերից, որոնք միասին կազմում են մեգալիթյան մոնումենտը։ Քարերը բազալտից են, որոնց բարձրությունը տատանվում է 0,5-ից մինչև 3 մ, իսկ զանգվածը՝ մինչև 10 տոննա։ Քարերի մեծ մասը պահպանվել է, չնայած էրոզիայի ենթարկվելու պատճառով ծածկված են քարաքոսերով։ Անցքերը ավելի լավ են պահպանվել։ Կան նաև կոտրված քարեր։ Քարահունջի քարերը բերվել են մոտակա Դար գետի ձորի քարհանքից, բարձրացվել և տեղափոխվել են հյուսված պարաններով ու լծկան կենդանիների միջոցով։

Աղբյուրներ` FindArmenia, Onewaytour

81. Որ նախադասության ընդհատված բառի արմատն է մյուսներից տարբեր։

2) Այդպես էլ ծնվեց մեկը նրանցից, Ծնվեց նա Այր մի` Մաշտոց անունով։

82. Տրված բառերից քանիսն ունեն ընդհանուր արմատ։

Արգելք, անարգանք, արգանակ, հարգել, մեծարգո

3) երեքը

83. Տրված բառերից քանիսն ունեն ընդհանուր արմատ։

Կտրել, հուսակտուր, աղեկտուր, կտրուկ, կտրատել

4) բոլորը

84. Որ շարքի բոլոր բառերում մեկից ավելի արմատ կա։

4) հարկատու, մարդախույս, դավանափոխ, եռաժանի

85. Որ շարքի բոլոր բառերում անկախ գործածություն չունեցող արմատներ կան։

1) հետաստան, թաքուստ, խոսուն

86. Որ շարքի բոլոր բառերում կա հոր արմատը։

3) հրոտ, հրակայուն, հրածին

87. Որ շարքի բոլոր բառերում կա պատում արմատը։

3) իրապատում, պատմավեպ, դյուցազնապատում

88. Որ շարքի բոլոր բառերն են կազմությամբ բարդ։

3) թոքախտ, ասպազեն, որևէ, ջրաչափ

89. Որ շարքի բոլոր բառերն են կազմությամբ բարդ։

4) անվանացանկ, զորահավաք, հովասուն, քննախույզ

90. Որ շարքի բոլոր բառերն են կազմությամբ բարդ։

2) խմբագրատուն, մեծ-մեծ, մրցադաշտ, անցուդարձ